Spiker: Mən indiyəcən dünyanın heç yerində rast gəlməmişəm ki..

Spiker Oqtay Əsədov parlamentdə büdcə müzakirələri zamanı deputatların yekun çıxışından sonra onları və bəzi dövlət qurumlarını büdcədən maliyyə vəsaitlərinin artırılması ilə bağlı təkliflərində diqqətli olmağa çağırıb.ANN.Az AzVision.az-a istinadən xəbər verir ki, Milli Məclisin sədri bildirib ki, indiyə kimi büdcə müzakirlərində 54 deputat çıxış edib:“Mən indiyəcən dünyanın heç yerində rast gəlməmişəm ki, büdcə ilə bağlı hamı razı qalsın. Büdcədə istər-istəməz hansısa çatışmayan məsələlər ola bilər. Ancaq bilmək lazımdır ki, büdcə heç də bir- iki aya hazırlanmır. Bu sənəd Maliyyə Nazirliyi başda olmaqla bütün dövlət strukturları ilə birlikdə işlənilib hazırlanır. Hər kəs də çalışır ki, öz mövqeyini müdafiə etsin. Sonra hazırlanmış sənəd Maliyyə Nazirliyinə təqdim olunur. Həmin sənəd üzərində işlənildikdən sonra prezidentə göndərilir.Sonda razılaşdırılımış və balanslaşdırılımış büdcə layihəsi parlamentə daxil olur. Özünü tərifləmək olmasın, şəxsən özüm maliyyə naziri Samir Şərifovla beş dəfə telefon əlaqəsi saxlamışam, on dəfə adam göndərmişəm. Nəyi razılaşdırmaq mümkündürsə alınıb, mümkün olmayanlar isə alınmayıb. İndi hər kəsin, təşkilatın öz maliyyəsini artırılması ilə bağlı təklifi düzgün deyil. Millət vəkilləri də bu məsələdə diqqətli olsunlar”.ANN.Az