Rusiya yeni iqtisadi tədbirlər planını açıqlayıb

Rusiya prezidenti Vladimir Putin ölkədə maliyyə sabitliyini təmin etmək üçün əlavə müvəqqəti iqtisadi tədbirlər haqqında fərman imzalayıb. İqtisadiyyatı dəstəkləmək üçün yeni tədbirlər planının mahiyyəti açıqlanıb,bu barədə Ria novosti məlumat verib.

 

Rusiyanın bütün İT şirkətləri 3 il müddətinə gəlir vergisindən azad ediləcək və onların orduda vuruşan işçiləri güzəştli ipotekadan yararlana biləcək.

 

Mobil proqramların tərtibatçılarına vergi güzəştləri tətbiq olunacaq.

 

Məşğulluğu saxlamaq üçün kiçik və orta biznesə güzəştli kreditlərin verilməsinin davam etdirilməsi nəzərdə tutulub.

 

İlin sonuna kimi kiçik və orta sahibkarlıq subyetkərində plannlı yoxlamara moratorium tətbiq ediləcək

 

Səlahiyyətli orqanların federal və regional səviyyədə vergilərin ödənməsinə görə vaxt uzadılacaq.

 

Kapital amnistiyasının yeni mərhələsi başlanacaq.

 

Fermerlərə güzəştli kreditlərin verilməsi üçün daha 5 milyard rubl ayrılacaq. 

 

ABŞ və Avropa Birliyi ölkələri  Moskvanın  Ukraynaya təcavüzünə cavab olaraq bəzi Rusiya banklarının SWIFT beynəlxalq ödəniş sisteminə çıxışını əngəlləyən addımlar atıb. Qərb həmçinin Rusiya Federasiyası Mərkəzi Bankının valyuta ehtiyatlarını da sanksiya altına alıbdır. 

 

Rusiya Mərkəzi Bankının məlumatına görə, fevralın 28-də bank sisteminin struktur kəsiri cümə günündəki 11 milyard rubladan 2,9 trilyon rubla, bankların Mərkəzi Banka borcu isə 3,20 trilyon rubldan 5,85 trilyon rubla kimi artıb.

 

Gülnar Nazimqızı