İqtisadiyyatın artım tendensiyası davam edir - RƏSMİ

"Əsas prioritetlər iqtisadiyyatın rəqabətqabiliyyətli artırılması, sosial ədalətin möhkəmlənməsi, rəqabətqabiliyyətli insan kapitalının yaradılması, işğaldan azad edilmiş ərazilərin bərpa edilməsi, ətraf mühitin qorunmasıdır", - Əliyev vurğulayıb.

Dövlət Statistika Komitəsinin son açıqlamasına görə, 2022-ci ilin yanvar-mayında ölkədə 50867,5 milyon manatlıq və ya əvvəlki ilin eyni dövrü ilə müqayisədə 7,2% çox ümumi daxili məhsul istehsal olunub. İqtisadiyyatın neft-qaz sektorunda əlavə dəyər 0,5% qeyri neft-qaz sektorunda isə 11,0% artıb.

ÜDM istehsalının 54,7 %-i sənaye, 7,6 %-i ticarət; nəqliyyat vasitələrinin təmiri, 6,1 %-i nəqliyyat və anbar təsərrüfatı, 3,8 faizi tikinti, 2,9 %-i kənd təsərrüfatı, meşə təsərrüfatı və balıqçılıq, 1,4%-i turistlərin yerləşdirilməsi və ictimai iaşə, 1,3%-i informasiya və rabitə sahələrinin, 14,5%-i digər sahələrin payına düşmüş, məhsula və idxala xalis vergilər ÜDM-in 7,7 %-ni təşkil edib.

Əhalinin hər nəfərinə düşən ÜDM 5063,1 manata bərabər olmuşdur.

 

Ləman Qasımova