Azərbaycanın boru kəmərlərindən əldə etdiyi gəlir açıqlanıb
30.08.2023 14:32
2023-cü ilin altı ayında Azərbaycanın magistral neft kəmərlərindən gəlirləri 535 337,2 min manat təşkil edib, bu da illik müqayisədə 12,5% azdır. Bu barədə Dövlət Statistika Komitəsi məlumat yayıb.
Bildirilir ki, 2022-ci ilin müvafiq dövründə əldə edilən gəlir 612 054,3 min manat səviyyəsində olub.
Cari ilin yanvar-iyununda magistral neft kəmərləri ilə 19 649,7 min ton neft nəql edilib ki, bu da illik müqayisədə 10,7% çoxdur.
2023-cü ilin yanvar-iyununda Azərbaycanın magistral qaz kəmərlərinin, o cümlədən Cənubi Qafqaz Boru Kəmərinin (Bakı-Tbilisi-Ərzurum) istismarından əldə olunan gəlirlər 1 milyard 261 milyon 251,7 min manat (741,9 milyon dollar) artım ötən ilin birinci yarısı ilə müqayisədə 9,5% artıb.
Bu ilin birinci yarısında magistral qaz kəmərləri şəbəkəsində itkilər 38 milyon kubmetr təşkil edib, ötən ilin eyni dövründəki göstərici 24,8 milyon kubmetr (artım 53,2 faiz) olub.
2023-cü ilin yanvar-iyununda magistral neft kəmərləri ilə 19 milyon 649,7 min ton neft (artım 10,7%), qaz kəmərləri ilə 20 milyard 273,1 milyon kubmetr qaz (artım 1,9 faiz) nəql olunub. Eyni zamanda, magistral neft kəmərləri ilə nəql edilən neftin 76,5 faizi Bakı-Tbilisi-Ceyhan boru kəməri ilə, magistral qaz kəmərləri ilə vurulan qazın isə 53,8 faizi SKTM-nin payına düşüb.
2022-ci ildə Azərbaycanın magistral kəmərlərin fəaliyyətindən əldə etdiyi gəlir 3 milyard 567 milyon 157 min manat (artım 17%) olub. Bununla yanaşı, magistral neft kəmərlərinin istismarından 1 milyard 238 milyon 913,7 min manat (artım 3,4 faiz), magistral qaz kəmərlərinin istismarından əldə edilən gəlirlər 2 milyard 328 milyon 243,1 min manat (artım 25,7 faiz) təşkil edib.
Aytac Zeynalova
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 12:33
İqtisadiyyat Nazirliyinin artım proqnozları Mərkəzi Bankın qiymətləndirmələrini üstələyir
Foto
Video
