Naxçıvan MR 5Gvt bərpa olunan enerji potensialına malikdir

5 GVt bərpa olunan enerji potensialına malik Naxçıvan Muxtar Respublikası (MR) yaşıl enerjinin ixracatçılarından birinə çevriləcək. Bunu Azərbaycan Energetika Nazirliyi yanında Bərpa Olunan Enerji Mənbələri Agentliyinin direktor müavini Kamran Hüseynov deyib.

"Biz NMR tikilən yeni günəş elektrik stansiyalarından Türkiyəyə və daha sonra ola bilsin ki, Avropaya elektrik enerjisi göndərməyi planlaşdırırıq”, - Hüseynov  bildirib. 

NMR Azərbaycanda yaşıl enerji zonası elan edilib. Azərbaycanın Energetika Nazirliyi Naxçıvan Muxtar Respublikasında bərpa olunan enerji mənbələrinin yaradılması üçün xarici şirkətləri cəlb edir. Xüsusilə, TotalEnergies və Nobel Energy şirkətləri NMR-də ümumi gücü 650 MVt olan günəş elektrik stansiyası, Masdar (BƏƏ) - 150 MVt günəş elektrik stansiyası, Almaniyanın "Notus" - şimalda 70 MVt günəş elektrik stansiyası layihələrini həyata keçirirlər. 

Hüseynov həmçinin xatırladıb ki, Azərbaycanın işğaldan azad edilmiş əraziləri həm də "yaşıl” enerji zonalarıdır və burada 2 GVt bərpa olunan enerji potensialı yaradılacaq. 

"Xüsusən də, bu yaxınlarda biz Nobel Energy ilə Cəbrayıldakı günəş elektrik stansiyası ilə bağlı razılığa gəldik, həmçinin azad edilmiş ərazilərdə bərpa olunan enerji mənbələri ilə bağlı Çin şirkətləri ilə danışıqlar aparırıq”, - Hüseynov deyib. 

Onun sözlərinə görə, Azərbaycanda bərpa olunan enerji mənbələrinə bütün xarici investisiyalar dövlət-özəl tərəfdaşlıq mexanizmi ilə həyata keçirilir və bu, yaxşı nəticələr verir. 

AREA direktorunun müavini qeyd edib ki, 2024-cü ildə ölkədə bərpa olunan enerji mənbələrinin ümumi elektrik enerjisi balansında xüsusi çəkisi 6 faizdən çox arta, növbəti illərdə isə 30-33 faizə çata bilər.


N.Təbrizli


www.anews.az