Bakı-Tbilisi-Ərzurum boru kəməri ilə nəqletmə artıb

2025-ci ilin  yanvar-sentyabrında  Azərbaycanın magistral qaz kəmərləri ilə 29 milyard 825 milyon kubmetr qaz nəql edilib. Bu, 2024-cü ilin ilk 9 ayı ilə müqayisədə 0,9 % çoxdur.Bu barədə  Dövlət Statistika Komitəsi məlumat yayıb.

Hesabat dövrünə qazın nəqlinin 57,5 %-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib. Bu kəmərlə 17 milyard 135,6 milyon kubmetr qaz ötürülüb. Bu, illik müqayisədə 2 % çoxdur.

Bakı–Tbilisi–Ərzurum kəməri ilə ilk qaz 2007-ci ildə, TANAP vasitəsilə isə Türkiyəyə kommersiya qazının nəqlinə 2018-ci il iyunun 30-da başlanılıb.

TANAP Cənub Qaz Dəhlizi çərçivəsində reallaşdırılmış əsas layihələrdən biridir və Azərbaycanın enerji resurslarının Avropa bazarına çıxarılmasında mühüm rol oynayır.

Aytac Zeynalova