Azərbaycan iqtisadiyyatına 2025-ci ilin ilk yarısında birbaşa xarici investisiyalar 8,2% artıb

2025-ci ilin ilk yarısında birbaşa xarici investisiyalar 8,2%, qeyri-neft-qaz sektorunda isə 25,4% artıb. Bunu iqtisadiyyat naziri Mikayıl Cabbarov bildirib.

Azərbayvan İqyisadiyyatına 2025-ci İlin ilk yarısında birbaşa xarici investisiyalar 8,2%, qeyri-neft-qaz sektorunda isə 25,4% artıb.  Bunu iqtisadiyyat naziri Mikayıl Cabbarov bildirib.

Hesabat dövründə əsas kapitala 13 milyard manat yatırılıb, qeyri-neft-qaz sektorunda bu investisiyalar 7% real artım göstərib. 

“Özəl qeyri-neft-qaz investisiyaları 10,8% artaraq, sektorun ÜDM artım tempini 3,7 dəfə üstələyib, bu isə gələcəkdə daha yüksək iqtisadi artım üçün baza yarada bilər”, - Cabbarov deyib. 

Sentyabrda 12 aylıq orta inflyasiya 5,7% olub, bu göstərici Mərkəzi Bankın hədəf diapazonuna uyğundur.

Cari ilin 9 ayında qeyri-neft-qaz məhsullarının ixracı 7,7% (188,5 milyon dollar) artaraq 2 milyard 649 milyon ABŞ dolları təşkil edib. Qeyri-neft ixracının 29%-i kənd təsərrüfatı xammalı, 11%-i emal məhsulları, 60%-i sənaye məhsulları olub.

ARDNF tərəfindən idxal olunan qızıl istisna olmaqla, xarici ticarət balansının müsbət saldosu 5,6 milyard ABŞ dolları səviyyəsindədir.

N.Təbrizli