Bu ilin ilk yarısında Azərbaycana yatırılan xarici investisiyaların həcmi artıb

2025-ci ilin ilk yarısında Azərbaycana yatırılan birbaşa xarici investisiyaların həcmi ötən ilin eyni dövrü ilə müqayisədə 8,2% artıb.  Bunu iqtisadiyyat nazirinin müavini Səməd Bəşirli Milli Məclisdə çıxışı zamanı bildirib.

Onun sözlərinə görə, qeyri-neft-qaz sektoru üzrə artım 25,4% təşkil edib.

 Nazir müavini qeyd edib ki, ötən 9 ayda əsas kapitala 13 milyard manat investisiya yönəldilib.

Eyni zamanda, qeyri-neft-qaz sektoruna əsas kapital qoyuluşlarının real həcmi 7% artıb, özəl sektor üzrə investisiyalar isə 10,8% artaraq qeyri-neft-qaz ÜDM-in artım tempini 3,7 dəfə üstələyib.

Bəşirli əlavə edib ki, bu göstəricilər Azərbaycanın iqtisadiyyatında özəl və qeyri-neft sektorunun payının güclənməsinə işarədir.

Gülnar Nazimqızı