10 ayda orta illik inflyasiya artıb

2025-ci ilin oktyabrında istehlak qiymətləri indeksi 2024-cü ilin oktyabrına nisbətən 105,9 faiz, o cümlədən qida məhsulları, alkoqollu içkilər və tütün məmulatları üzrə 108,2 faiz, qeyri-qida məhsulları üzrə 102,5 faiz, əhaliyə göstərilmiş ödənişli xidmətlər üzrə 105,6 faiz təşkil edib.

Bu barədə Dövlət Statistika Komitəsi məlumat yayıb.

Cari ilin oktyabrında  istehlak qiymətləri indeksi əvvəlki aya nisbətən 100,5 faiz, yanvar-oktyabra isə əvvəlki ilin müvafiq dövrünə nisbətən 105,7 faiz olub.

Azərbaycanın ümumi daxili məhsulu (ÜDM) 2026-ci ildə 134,1 milyard manat təşkil edəcək ki, bu da əvvəlki illə müqayisədə 2,9% real artım deməkdir. Son beş il ərzində nominal ÜDM 36,7 milyard manat (39,3%), real ifadədə isə 19% artıb. Bu barədə maliyyə naziri Sahil Babayev 2026-ci ilin dövlət büdcəsi haqqında qanuna münasibət bildirərkən deyib.

Qeyri-neft ÜDM 2025-ci ildə 101,7 milyard manat olub və 5% real artım nümayiş etdirib. 

Son beş il ərzində bu sektorun nominal həcmi 36 milyard manat (62,7%), real artımı isə 34% təşkil edib.

Aytac Zeynalova