10 ayda Bakı Beynəlxalq Dəniz Ticarət limanında ADY tərəfindən emal olunan yüklərin həcmi açıqlanıb

2025-ci ilin on ayında Bakı Beynəlxalq Dəniz Ticarət Limanında Azərbaycan Dəmir Yolları (ADY) tərəfindən emal olunan yüklərin həcmi təxminən 40% artıb. Bunu rəqəmsal inkişaf və nəqliyyat naziri Rəşad Nəbiyev MDB Dəmir Yolu Nəqliyyatı Şurasının 83-cü iclasında deyib. 

Rəşad Nəbiyev bildirib ki, bu ilin fevralından liman Azərbaycan Dəmir Yollarının strukturuna inteqrasiya olunub, bu da yüklərin emalı və logistika əməliyyatlarının effektivliyinin artmasına gətirib.

O əlavə edib ki, Orta Dəhliz üzrə əməliyyatların sürətləndirilməsi üçün infrastruktur yenilənir.

Bakı–Tbilisi–Qars dəmir yolu xəttinin modernləşdirilməsi nəticəsində limanın buraxılış qabiliyyəti illik 1 milyon tondan 5 milyon tona yüksəlib.

Aytac Zeynalova