Paşabank IPO çərçivəsində kapitalının 5%-ni bazara çıxaracaq

Azərbaycanın Paşabankı kapitalının 5%-ni ilkin kütləvi təklif (IPO) vasitəsilə bazara çıxarmağı planlaşdırır. Təklif əsasən fiziki şəxslərə yönələcək. Bu barədə cümə axşamı bankın İdarə Heyətinin sədri Cavid Quliyev bildirib.

Bank 932 926 ədəd adi adlı səhmi bazara təqdim edəcək. Qərar İdarə Heyətinin tövsiyəsi və səhmdarların təsdiqi əsasında qəbul edilib.

“Bu addım təsadüfi deyil. Məqsəd illər ərzində yaratdığımız dəyəri, qazandığımız etimadı və formalaşdırdığımız kapitalı daha geniş investor bazası ilə bölüşməkdir,” – Quliyev bildirib.

Onun sözlərinə görə, IPO bankın uzunmüddətli dayanıqlığını, şəffaflığını və maliyyə sabitliyini gücləndirəcək, eyni zamanda ölkənin kapital bazarının inkişafına töhfə verəcək.

N.Təbrizli