Parlament minimum əməkhaqqına ildə azı bir dəfə yenidən baxılmasını təsdiqlədi

Azərbaycanda minimum əməkhaqqının məbləği bundan sonra ildə bir dəfədən az olmayaraq yenidən nəzərdən keçiriləcək — müvafiq dəyişiklik parlament tərəfindən son oxunuşda qəbul edilib.

Qanun layihəsi Əmək Məcəlləsinə dəyişiklikləri nəzərdə tutur.

Yeni qaydaya əsasən, minimum əməkhaqqının məbləği müvafiq icra hakimiyyəti orqanının müəyyən etdiyi qurumun təklifləri əsasında yenidən müəyyən ediləcək və bu proses ildə azı bir dəfə həyata keçiriləcək.

Minimum əməkhaqqı işçilərin minimum yaşayış səviyyəsini təmin edən əsas sosial siyasət alətlərindən biridir və bu sahə beynəlxalq təşkilatların, o cümlədən "Beynəlxalq Əmək Təşkila"nın diqqət mərkəzindədir.

Eyni zamanda, "Dünya Bankı Qrupun"nun “Business Ready” hesabatında minimum əməkhaqqının dövri yenilənməsinin qanunvericilikdə məcburi xarakter daşımaması qiymətləndirmə zamanı ölkələrin bal itirməsinə səbəb olan amillərdən biri kimi göstərilib.

Qanun layihəsinin hazırlanmasının məqsədi əmək münasibətləri sahəsində islahatların davam etdirilməsi, minimum əməkhaqqının müəyyənləşdirilməsinin dövriliyinin təmin edilməsi və beynəlxalq reytinqlərdə bal itkisinə səbəb olan amillərin aradan qaldırılması kimi izah olunub.

Gülnar