Arktikada dəyişikliklər sürətlənir – AREA rəsmisi iqlim risklərindən danışıb

İqlim dəyişikliyi indiyədək müşahidə olunan ən böyük və ən sürətli dəyişikliklərə səbəb olub. Bunu Azərbaycan Bərpa Olunan Enerji Mənbələri Dövlət Agentliyinin (AREA) direktor müavini Rəna Hümbətova Bakı Enerji Həftəsində bildirib.

Onun sözlərinə görə, iqlim dəyişikliyinin təsiri nəticəsində Arktikanın ekosistemləri və ətraf mühiti sürətlə transformasiya olunur, bu isə regionda yeni ekoloji və sosial təsirlər yaradır.

Hümbətova qeyd edib ki, iqlim dəyişikliklərinin ətraf mühitə təsiri Arktikada ən mühüm ekoloji amillərdən biri olaraq qalır və bu proseslərin monitorinqi xüsusi əhəmiyyət daşıyır.

O vurğulayıb ki, milli səviyyədə iqlim dəyişikliklərinin təsirlərinin qiymətləndirilməsi və onlara uyğunlaşma istiqamətində artıq müəyyən işlər həyata keçirilir.

Hümbətovanın sözlərinə görə, iqlim dəyişikliklərinin izlənilməsi və onların nəticələri ilə mübarizə üçün hüquqi və institusional çərçivənin formalaşdırılması vacibdir.

O əlavə edib ki, bu çərçivə iqlim dəyişikliklərinin monitorinqi və onlara qarşı tədbirlərin həyata keçirilməsi üçün əsas baza rolunu oynayır.

Gülnar Nazimqızı