“IB Group” Belarusla dəmir yolu məhsullarının tədarükünü müzakirə edib

Azərbaycanın “IB Group” şirkətlər qrupunun rəhbərliyi Belarus-Azərbaycan Biznes Forumu çərçivəsində Belarus tərəfi ilə dəmir yolu məhsullarının tədarükünü müzakirə edib. Bu barədə şirkətdən bildirilib.

Müzakirələrdə Belarus Respublikasına rels məhsulları, yolun üst quruluşu elementləri və digər dəmir yolu materiallarının tədarükünün təşkili, həcmi və qrafikləri nəzərdən keçirilib.

Şirkətin məlumatına görə, layihə “IB Group” üçün tədarük coğrafiyasını genişləndirmək və MDB məkanında B2B tərəfdaşı kimi mövqeyini gücləndirmək baxımından yeni imkanlar yaradır.

“IB Group” B2B ticarət sahəsində fəaliyyət göstərir və irimiqyaslı infrastruktur, nəqliyyat layihələri üçün material və avadanlıqların kompleks tədarükünü həyata keçirir