Mərkəzi Bank iki ildə 35-dən çox fintech müraciəti alıb

Azərbaycan Mərkəzi Bankı xüsusi tənzimləmə rejimi çərçivəsində son iki ildə 35-dən çox fintech layihəsi üzrə müraciət qəbul edib.

Mərkəzi Bankın Maliyyə Texnologiyaları və İnnovasiyalar Departamentinin direktoru Fidan Tofidinin sözlərinə görə, müraciətlər innovativ maliyyə məhsulları və xidmətlərinin sınaqdan keçirilməsi üçün yaradılmış xüsusi tənzimləmə rejimi - Sandbox çərçivəsində daxil olub.

Tofidi bildirib ki, təqdim edilən layihələrin hamısı təsdiqlənməsə də, müraciətlərin sayı ölkədə innovativ maliyyə həllərinə marağın artdığını göstərir.

Onun sözlərinə görə, Mərkəzi Bank gələcəkdə müraciətlərin yalnız müəyyən dövrlərdə deyil, daimi əsasda qəbul edilməsini nəzərdən keçirir.

N.Təbrizli