Yelo Bank şirkətlərarası futbol liqasının çempionu olub

"Fire League" təşkilatçılığı ilə müxtəlif şirkətlərin komandalarını bir araya gətirən futbol liqası Yelo Bank komandasının çempionluğu ilə yekunlaşıb. Ümumilikdə 16 komandanın iştirak etdiyi turnirdə Yelo Bank təmsilçiləri uğurlu oyun nümayiş etdirərək turnirin qalibi olublar.

Pley-off mərhələlərində komanda ardıcıl olaraq uğurlu nəticələr əldə edib. Belə ki, 1/4 final mərhələsində "Bank VTB"-ni 3:1, yarımfinalda "Bir Ekosistem" komandasını 4:1 hesabı ilə üstələyən Yelo Bank finala vəsiqə qazanıb. Gərgin mübarizə şəraitində keçən final qarşılaşmasında isə "Azərsun" komandasını 4:3 hesabı ilə məğlub edərək turnirin çempionluq kubokunu qazanıb.

Komanda uğuru ilə yanaşı, turnirin fərdi mükafatlarından biri də Yelo Bank əməkdaşına təqdim olunub. Komandanın futbolçusu Şövqan Cəfərli liqanın "Ən yaxşı oyunçusu" seçilib.

Turnirdə iştirak edən bütün rəqib komandalara maraqlı mübarizə üçün təşəkkür edirik! Həm yaşıl meydanda, həm də peşəkar karyerada hər zaman zirvəni hədəfləyən komandamızda yer almaq üçün aktiv iş elanlarımızla tanış olun: //ylb.az/yelovacancy.

Bank xidmətləri haqqında əlavə suallar var? O zaman 981 nömrəsinə zəng edin və ya Facebook, Instagram , Whatsapp və yelo.az hesablarımızı ziyarət edin.

Yelo Bank – Parlaq bankçılıq!