Manatın dövretmə sürəti iyulun 1-nə 3,02 bənd olub

Bu il iyulun 1-nə Azərbaycanın milli valyutası - manatın dövretmə sürəti 3,02 bənd təşkil edib.

Azərbaycan Mərkəzi Bankının (AMB) məlumatına görə, bu göstərici iyunun 1-i ilə müqayisədə 0,06 bənd artsa da, ilin əvvəli ilə müqayisədə 0,18 bənd, ötən ilin eyni dövrü ilə müqayisədə isə 0,35 bənd azalıb.

AMB-nin statistikasına əsasən, son 21 il ərzində manatın dövretmə sürətinin ən aşağı göstəricisi 2015-ci ilin yanvar ayının sonunda - ilk devalvasiya ərəfəsində qeydə alınıb və 2,68 bənd təşkil edib. Ən yüksək göstərici isə 2005-ci ildə 15,72 bənd olub.