ABŞ dövlət istiqrazlarının gəlirliliyinin artması fonunda qızıl ucuzlaşır — Reuters

Qlobal bazarlarda qızılın qiyməti çərşənbə axşamı, avqustun 18-də ABŞ xəzinə istiqrazlarının (US Treasuries) gəlirliliyinin artması və neft qiymətlərinin möhkəmlənməsi təzyiqi altında ucuzlaşıb. İnvestorlar ABŞ Federal Ehtiyat Sisteminin (FRS) son iclasının protokollarını gözləyir.

"Reuters" agentliyinin məlumatına görə, qızılın spot qiyməti 0,5% azalaraq bir troya unsiyası üçün 4 391,14 ABŞ dollarına düşüb. ABŞ-da dekabr tədarüklü qızıl fyuçersləri isə 0,6% geriləyərək 4 446,70 dollar təşkil edib.

Digər qiymətli metalların qiymətində də eniş qeydə alınıb: gümüş, platin və palladium təxminən 1% ucuzlaşıb. 10 illik ABŞ dövlət istiqrazlarının gəlirliliyinin yüksəlməsi faiz gəliri gətirməyən qızıl kimi aktivləri saxlamağın alternativ xərclərini artırır.

Bazar iştirakçıları FRS-in faiz dərəcələri ilə bağlı gələcək siyasətinə dair ipucları əldə etmək üçün çərşənbə günü açıqlanacaq iyul iclasının protokollarına köklənib.

N.Təbrizli