Azərbaycan və Böyük Britaniya əməkdaşlığın yeni istiqamətlərini müəyyənləşdirir- Şahbazov

Azərbaycan və Böyük Britaniya energetika, texnologiya, nəqliyyat, rəqəmsal transformasiya və süni intellekt sahələrində əməkdaşlığın genişləndirilməsi üçün yeni işçi qrupları yaratmağa hazırlaşır. Bunu Azərbaycanın energetika naziri Pərviz Şahbazov Bakıda keçirilən Azərbaycan-Böyük Britaniya Birgə Hökumətlərarası Komissiyasının 8-ci iclasında bildirib.

Şahbazov qeyd edib ki, müzakirə olunan istiqamətlər üzrə əməkdaşlığın inkişaf etdirilməsi üçün böyük potensial mövcuddur.

Nazir bildirib ki, tərəflər konkret məsələlərin praktiki müzakirəsi və mümkün qədər qısa müddətdə nəticələrin əldə edilməsi üçün növbəti iclası gözləmədən əlaqələri davam etdirəcəklər.

“Bütün bu məsələləri praktiki şəkildə müzakirə etmək və mümkün qədər tez konkret nəticələr əldə etmək üçün son dərəcə vacib olan işçi qruplarının yaradılmasına çalışacağıq”, - Şahbazov deyib.

Onun sözlərinə görə, müzakirələr Azərbaycan və Böyük Britaniya arasında münasibətlərin dərin və uzunmüddətli olduğunu, eyni zamanda gələcək əməkdaşlıq üçün böyük potensialın mövcudluğunu göstərir.

Aytac