"Qafqazinfo” "Hürriyət”ə istinadən xəbər verir ki, Çevriliş Komissiyasında çıxış edən keçmiş sabiq rəis Hilmi Özkök hökumətə illər əvvəl FETÖ ilə bağlı xəbərdarlıq etdiklərini bildirib. O, "2004-cü ildə Milli Təhlükəsizlik Şurasının iclasında bu təşkilat çox böyük bir gücə sahib olub, güc illər ərzində əmələ gəlir, amma niyyət bir gecədə dəyişir dedik. Milli Təhlükəsizlik Şurası ilə birgə hökuməti qəti olaraq məlumatlandırdıq və vəziyyətin yaxşı olmadığını dedik. İcra planı qurulsun, bu işə nəzarət edilsin dedik. Nə ediləcək deyə baxdıq, açığı nə isə edildiyini görmədik. Biz yenə hər iclasda irtica və bu təşkilatların təhlükəsinə diqqət çəkən çıxışlar etdik. Sonrası bizim əlimizdə olan bir şey deyil. 2006-ci ildə isə mən təqaüdə çıxdım”,- deyə bildirib.