Bakıda klassik italyan musiqisi konserti

İtaliyanın Azərbaycandakı səfirliyindən "Report"a verilən məlumata görə, konsert oktyabrın 27-də Rəşid Behbudov adına Azərbaycan Dövlət Musiqili Teatrında baş tutacaq.

Konsert Bakı Musiqi Akademiyası və Luici Kerubini Konservatoriyası arasında olan ERASMUS proqramı üzrə "Espressioned'Arte" Assosiasiyasının həyata keçirdiyi musiqiçilərin mübadiləsi çərçivəsində baş tutacaq. Layihənin məqsədi konservatoriyalar arasında əlaqələrin inkişafıdır.

Bu proqram çərçivəsində Bakı Musiqi Akademiyasının musiqiçilər noyabrın 1-dən 5-dək İtaliyada səfərdə olacaq və onlar noyabrın 4-də Florensiyada yekun konsertlə çıxış edəcəklər.