Avstraliyada Azərbaycanın Respublika Gününə həsr olunmuş tədbir keçiriləcək

Milli Məclisin Azərbaycan-Avstraliya parlamentlərarası dostluq qrupunun nümayəndə heyəti Avstraliyada Azərbaycanın Respublika Gününə həsr olunmuş tədbirdə iştirak etmək üçün bu ölkəyə səfər edib.

 Tədbir Avstraliya-Azərbaycan Dostluq Assosiasiyasının təşəbbüsü ilə keçiriləcək.

Səfər zamanı Milli Məclisin deputatları – dostluq qrupunun sədri Xanlar Fətiyev və Beynəlxalq Münasibətlər və Parlamentlərarası Əlaqələr Komitəsinin üzvü, Demokratik İslahatlar Partiyasının sədri Asim Mollazadənin də daxil olduğu nümayəndə heyəti Avstraliya Federal Parlamentinin nümayəndələri ilə görüşəcəklər. Görüş zamanı ölkələr arasında iqtisadi və ticarət əlaqələrinin genişləndirilməsi, siyasi əməkdaşlıq və digər məsələlər müzakirə olunacaq.