Böyük Britaniyanın Azərbaycan səfirliyində xatirə kitabı açılıb

Böyük Britaniyanın Azərbaycandakı səfirliyində Mançesterdə törədilən terror hücumunda həlak olanları anmaq məqsədilə xatirə kitabı açılıb.

"Report" xəbər verir ki, xatirə kitabı 24 və 25 may tarixlərində saat 10:00-dan 12:00-dək və 14:00-dan 16:00-dək açıq olacaq.

Artıq Türkiyə, Fələstin, Hindistan səfirləri və BMT-nin Bakı ofisinin rəhbəri, eləcə də Qazaxıstan, Türkmənistan səfirliklərinin nümayəndələri kitabda qeydlərini edib.

Qeyd edək ki, mayın 22-də axşam "Mançester Arena"da konsert proqramı zamanı partlayış baş verib. İnsident zamanı 22 nəfər həlak olub, təxminən 60 nəfər yaralanıb.