“Qarabağda müharibə başlasa...” – Ekspert

Rusiyalı hərbi ekspert Pavel Felgenhauer "Beynəlxalq böhran qrupu” (İCG) təşkilatının ekspertlərinin Qarabağ münaqişəsi haqqında hazırladığı hesabata əsasən 2016-cı ilin aprel döyüşlərindən sonra Azərbaycan və Ermənistanın yeni müharibə astanasında olduğu qənaətinə gəlib.

AzVision.az-ın məlumatına görə, rusiyalı ekspert "Jamanak”-a müsahibəsində bildirib ki, münaqişə tərəfləri ilə sıx əlaqələrə malik olan Rusiya Qarabağ müharibəsi başlayarsa, çox çətin vəziyyətdə qalacaq.

"Ermənistan ruslara yalnız müttəfiq kimi lazım deyil”- deyə bildirən ekspert hesab edir ki, Gürcüstan və Rusiya Dağlıq Qarabağ münaqişəsinə görə Azərbaycanla konfliktə girmək, münasibətləri korlamaq istəməz.

"Mən çoxdan bu barədə yazıram və deyirəm ki, Qarabağın üzərində buludlar toplanıb və müharibə demək olar ki, qaçılmazdır. Yaxşıdır ki, böhran qrupu bu barədə yazdı”- deyə Pavel Felgenhauer bildirib.
www.anews.az