“Polis vətəndaşın evinə sanki terrorçu axtarırmış kimi hücum etməli deyildi” – Sabir Rüstəmxanlı

"Hesab edirəm ki, nə vətəndaş yuxarı mərtəbədən polisin başına zibil atmalı idi, nə də polis vətəndaşın evinə sanki terrorçu axtatrımış kimi hücum etməli deyildi”.
 
Bunu deputat Sabir Rüstəmxalı iyunun 7-də və 8-də Yasamal rayonu Dadaş Bünyadzadə küçəsi 13-də baş vermiş hadisə ilə bağlı şərhində bildirib.
 
"İynun 8-də kadrlarda gördüyüm polislər, onların binaya hücumları anromal bir hadisə idi. O qədər polis nəfərini ora cəmləməyə, səhər saat 6-da qapıları döyməyə nə ehtiyac var idi? Lap orada cinayətkar var idisə belə, bunu daha sakit, daha mədəni formada müvafiq qanunun tələblərinə uyğun həll etmək olardı. İnsana paltarını geymək imkanı yaradardı. Amma vətəndaşa kadrlarda görünən münasibəti bəsləmək olmazdı", deyə deputat bildirib.
 
O, deyir ki, belə münasibət olan yerdə polisə inam itir, belə davranışı qətiyyələ pisləyir və qəbul etmir. Onun fikrincə, dövlət məmuruna münasibət nədirsə, sıravi vətəndaşa da həmin hörmət, ehtiram olmalıdır.
 
Deputat hesab edir ki, bu əməliyyat polisin imicinə müsbət heç nə gətirməyib. Üstəlik, polis nəfələrinin özlərinin baş verənləri videoya çəkmələri, bunların sosial mediaya ötürülməsi anlaşılan deyil: "Bu nə deməkdir? Bunun arxasında nə dayanır? Niyə belə əməliyyat aparılır, bunlar hamısı düşündürücüdür.
 
Fikrimcə, həm DİN, həm əlaqədar qurumlar bünün üzərində düşünərlər ki, bu, təxirbat da ola bilər" .
 
S.Rüstəmxanlı hesab edir ki, vətəndaşın evində tərbiyəsilzik edən, xanımı, həyat  yoldaşını təhqirə məruz qoyan şəxslər isə mütləq cəzalandırılmalıdırlar.(Turan)

www.anews.az