Tezliklə sona çatacaq Üzeyirlər, Natavanlar, Bülbüllər yetişdirən Qarabağ-Şuşa həsrəti...

Azərbaycanın Ali baş komandanı İlham Əliyevin başçılığı ilə Şanlı Ordumuz özünü müdafiə və  əks-hücum əməliyyatına başladı. Xalq "güç birlikdədir” deyib öz liderinin xalqı birləşdirən siyasəti ətrafında birləşib Böyük Vətən müharibəsində öz torpaqlarının müdafiəsinə qoşulmuşdur. Azərbaycanın haqq və ədalətli mövqeyi şəxsi ambisiyalardan imtina etməyi və milli maraqlar naminə vahid qüvvə kimi çıxış etməyi tələb edir. Tarixi ədalət və haqq uğrunda aparılan müharibədə xalq iqtidar və müxalifət cəbhələrinə bölünməməlidir, bunu etmək istəyən qüvvələr isə xalqdan deyillər. Müharibənin ilk günlərindən başlayaraq milli ordumuzun əldə etdiyi qələbələr içimizdə dillə ifadə edilməsi mümkün olmayan hisslər yaşadır. Bu hisslərə görə başda Siz Ali Baş Komandan olmaqla xilaskar əsgərlərimizə sonsuz təşəkkürlər.

İllərdi içimizdə bir an belə səngimiyən Qarabağ həsrəti nəhayət sona yetəcək. Gücünüz gücümüzdür deyib, Ali Baş Komandanımız İlham Əliyevə və məğlubedilməz şanlı ordumuza bu haqq mübarizəsində uğurlar arzu edirik.