Ermənilər BTC kəmərini vurmaq istəyib - VİDEO/FOTO

Dünən axşam saatlarında Ermənistan Ordusunun artilleriya raket vasitələri "Bakı-Tbilisi-Ceyhan” neft kəmərənin Yevlax rayon ərazisindən keçən istiqamətinə zərbələr endiriblər.

 

Bu barədə Anews.az-ın cəbhə bölgəsinə ezam olunmuş müxbiri xəbər verir

Düşmənin atdığı raket kəmərin 10 metrliyinə düşüb.

Hadisə barədə  Azərbaycan Respublikası Ərazilərinin Minalardan Təmizlənməsi üzrə Milli Agentliyinin (ANAMA) əməkdaşı  bildirib ki, düşmənin atdığı raket "Smerch" tiplidir.

"Onun içərisində 300 ədəd bombacıq olur. Bunun 56 ədədi tam təhlükəlidir, yerində qalıb və yerində partlatmaq yolu ilə məhv ediləcək. Bombacığın 2-si düşüb partlayıb. 242 ədədi isə təhlükəsiz olduğu üçün daşınıb, paliqonda partlayış yolu ilə məhv ediləcək".

Hazırda Agentlik əməkdaşları tərəfindən ətrafda əməliyyat-axtarış tədbirləri həyata keçirilir.