Ukraynada azərbaycanlı əsgər ölüb

Ukraynada 1 azərbaycanlı həlak olub, digəri isə yaralanıb.

Martın 11-də Donetsk vilayəti Volnovaxa istiqamətində gedən döyüşlərdə Ukrayna ordusunun əsgərləri, əslən Azərbaycanın Sabirabad rayonundan olan Eyyubov Elnur Asəf oğlu snayperdən baş nayihəsinə açılan atəş nəticəsində həlak olub, əslən Azərbaycanın Samux rayonundan olan Əliyev Raqif Vaqif oğlu isə ağır yaralanıb.

Onların hər ikisi Ukrayna vətəndaşlarıdır.

Həlak olan azərbaycanlı yaralı həmyerlisinin qucağında keçinib. Yaralı şəxs isə hazırda Donetsk vilayətində Ukrayna hərbi hospitallarının birindədir.

 

Rusiyanın Ukraynaya hərbi hücumları cari ilin fevralın 24-də başlayıb və hələ də davam edir.(report.az)