Viktor Orban Azərbaycana işgüzar səfərə gəlib - YENİLƏNİB

 
"Baş nazir Viktor Orban İsveçrəyə səfərindən sonra Azərbaycan Prezidentinin dəvəti ilə noyabrn 25 noyabr-də BMT-nin Mərkəzi Asiya İqtisadiyyatları üzrə Xüsusi Proqramının (SPECA) konfransında iştirak etmək üçün Bakıya səfərə yola düşüb. Konfransdan əvvəl Baş nazir Orban Azərbaycan Prezidenti ilə ikitərəfli danışıqlar aparacaq”, - məlumatda deyilir.
 
Beynəlxalq məsələlər üzrə ekspert Əziz Əlibəyli bildirir ki, Mərkəzi Asiya ölkələrinin Avropaya inteqrasiyası yolundakı əsas ötürücü funksiya rolunu Azərbaycan oynayır.
 
"Macarıstan Baş nazirinin gəlməsi SPECA proqramı çərçivəsindədir bu dənizə çıxışı olmayan ölkələrin iqtisadiyyatlarının Avropaya inteqrasiyası ilə bağlıdır. Mərkəzi Asiya ölkələri üçün xüsusi proqramdır. Mərkəzi Asiya ölkələrinin Avropaya inteqrasiyası yolundakı əsas ötürücü funksiya rolunu Azərbaycan oynayır. İkincisi SPECA məhz o dönəmə təsadüf edir ki, Rusiya ilə Avropa arasında, Qərb arasında müharibə gedir və onların yeni enerji formalarına ehtiyacı var. Bu mənada Qərblə münasibətlər kontekstində önəmlidir. Azərbaycan əlbəttə ki, tranzit daşımaları, iqtisadi zolaqlar, yol nəqliyyat infrastrukturu, müasir dəmiryolu şəbəkələri, geniş avtombil, dəniz yollarıdır – bütün bunların hamısını yaradır. Həm də işğaldan azad olunmuş ərazilərin ivestisiya və inteqrasiya planı da belə regional tədbirlərin müzakirəsində mərkəzi yer tutur”, - o əlavə edib.
 
Ekspert bildirir ki, Macarıstan türk dövlətlərinə inteqrasiyada önəmli rol oynayır.
 
"Macarıstan türk dövlətlərinə inteqrasiyada önəmli rol oynayan bir Avropa ölkəsidir. Bu mənada həm Azəbaycanın yanında olması, həm strateji müttəfiqi olması, həm də ki, Şərq-Qərb zonasında Qərb adına əsas ölkəsi mahiyyəti daşıması önəmlidir. Bakıda keçiriləcək forumda iştirakıda həmin strateji addımlardan irəli gəlir”, - Əlibəyli vurğulayıb.

www.anews.az