İtaliya və Çin vətəndaşları İrandan Azərbaycan vasitəsilə təxliyə olunub

İrandan təxliyə olunan təxminən 60 İtaliya vətəndaşı Azərbaycan ərazisindən – Astaradakı sərhəd keçid məntəqəsi vasitəsilə çıxarılıb. Bu barədə İtaliyanın Xarici İşlər Nazirliyi məlumat verib. 

Nazirliyin məlumatına görə, təxliyə iki mərhələdə həyata keçirilib. İkinci mərhələdə 24 nəfər səhər saatlarında Tehrandan yola düşüb və bu prosesdə İtaliyanın İrandakı səfirliyi dəstək göstərib.

Onlar Astara sərhədində İtaliyanın Bakıda yerləşən səfirliyinin əməkdaşları tərəfindən qarşılanıb və daha sonra Azərbaycandan İtaliyaya yaxın reyslərlə qayıtmaq üçün Bakıya yola salınıblar.

Birinci mərhələ çərçivəsində daha 34 İtaliya vətəndaşı uğurla təxliyə olunub.

Çinin dövlət mediası isə xəbər verib ki, İrandan 740-dan çox Çin vətəndaşı da Azərbaycan vasitəsilə təxliyə olunub.

Çinin Azərbaycandakı səfirliyinin məlumatına görə, həmin şəxslər Bakıda otellərə yerləşdirilib və geri qayıtmaq üçün bilet təmin olunub. Çin vətəndaşlarının təxliyəsi davam edir.

N.Təbrizli