Rusiya "imperiya təfəkküründən" əl çəkə bilmir- Deputat/Şərh

 Azərbaycan Milli Məclisinin deputatı Asim Mollazadə Rusiyanın keçmiş sovet ölkələrinə qarşı siyasətini tənqid edərək, Moskvanın "imperiya təfəkküründən" əl çəkə bilmədiyini deyir. Bu barədə deputat anews.az-a müsahibəsində deyib. 

Deputatın sözlərinə görə,  Rusiya bu hərəkəti ilə hamını özünə tabe etməyə çalışır.

"Rusiya  öz imperiya qaydalarına son qoya bilmir. Rusiyanın istəyi Sovet İttifaqını yenidən bərpa edərək,  bütün keçmiş sovet ölkələrini işğal etməkdir. Ukraynada əməliyyatlar keçirilir və hər gün bombardmanın nəticəsində uşaqlar və qadınlar öldürülür. Digər tərəfdən öz ərazisində yaşayan başqa xalqın insanlarına işgəncə verirlər.  Rusiya beynəlxalq aləmdə nüvə silahı ilə hədə-qorxu siyasətini davam etdirir və digər ölkələrlə, o cümlədən Azərbaycanla da şantaj dili ilə danışmağa çalışır. Bu yanaşma Rusiyanın tarixi siyasi xəttindən qaynaqlanır və bu gün də regionda sabitliyə təhlükə yaradır.,- deputat vurğulayıb.

Ana Vətən Partiyasının sədri, millət vəkili Fəzail Ağamalı bildirib ki, Rusiya Azərbaycandan istədiyini əldə edə bilmədiyi üçün gərginlik yaratmağa çalışır və bu vəziyyət onun qəzəbinə səbəb olur.

"Prezident İlham Əliyevin Rusiya səfərini təxirə salaraq sərt mövqe nümayiş etdirməsi, Bakının Moskva ilə münasibətlərdə prinsipial xətt tutduğunu göstərir. Cənubi Qafqazda Rusiyanın mövqeyi zəifləyir və bu, onun üçün ciddi zərbədir. Azərbaycan bu regionda müstəqil və qətiyyətli siyasət yürüdür, Rusiya isə bu vəziyyəti qəbul edə bilmir. Ona görə də bəzi hallarda vəhşiliklərə əl atılır,” –  partiya rəhbəri vurğulayıb.

Bu gün Səhiyyə Nazirliyinin ekspertiziya xidmətinin rəhbəri Ədalət Həsənov mətbuata açıqlamasında bildirilib ki, öldürülən azərbaycanlıların cəsədlərində ttravmatik şok və çoxsaylı xəsarətlər aşkarlanıb. 

Ekspertiza zamanı qabırğa sınıqları, beyin zədələri, daxili hemorroriyalar və həmçinin ağır bədən xəsarətləri qeydə alınıb. Rusiya tərəfi isə ilkin olaraq Səfərovlardan birinin ölümünü ürək çatışmazlığından olduğunu açıqlamışıdı. 

Yekaterinburqda baş verən hadisədə iki azərbaycanlı öldürülüb. Bir neçə nəfər həbs olunub. Azərbaycanlılar illər öncə törədilən cinayət hadisəsində ittiham olunurlar. 

Azərbaycan hökuməti reaksiyası Yekaterinburq hadisəsinə görə Rusiya ilə mədəniyyət və diplomatik əlaqələrdə dəyişikliklər edib. Bakı rus mədəniyyət tədbirlərini ləğv edib və Rusiya səfirliyinin ikinci katibini Xarici İşlər Nazirliyinə çağırıb.

Eyni zamanda bir gün öncə “Rossiya Seqodnya” İnformasiya Agentliyinin Bakıdakı filialı olan “Sputnik Azərbaycan” ofisində Daxili İşlər Nazirliyi tərəfindən keçirilən əməliyyat-axtarış tədbirləri nəticəsində 7 nəfər saxlanılıb. Saxlanılanlardan 2 nəfər barəsində həbs-qətimkan tədbiri seçilib, digər 5 nəfər isə cinayət məsuliyyətinə cəlb olunub. 

Bundan sonra Azərbaycanın Rusiyadakı səfiri Rəhman Mustafayeve Rusiya Xarici İşlər Nazirliyinə çağırılaraq ona şifahi nota verilib. 

Aytac Zeynalova