İran–İsrail müharibəsi zamanı Azərbaycan hədəf seçilib - Milli Məclis

Milli Məclisin Xarici müdaxilələrə və hibrid təhdidlərə qarşı mübarizə komissiyası İran və İsrail arasında baş verən 12 günlük qarşıdurma dövründə və ondan sonra Azərbaycana qarşı məqsədyönlü dezinformasiya kampaniyasının aparıldığını bildirib.

Komissiyanın yaydığı bəyanatda qeyd olunub ki, “İslam Respublikası İran və İsrail Dövləti arasında qarşıdurma zamanı və sonrakı dövrdə Azərbaycanın qonşu ölkələrin ərazisindən fəaliyyət göstərən qərəzli qüvvələr tərəfindən hədəf seçildiyi və ölkəmizin milli maraqlarına qarşı sosial media platformalarında saxta məlumatlarla kampaniya aparıldığı müəyyən edilib.”

Komissiyanın monitorinqinə əsasən, bu fəaliyyətlərin əsas auditoriyası həm də İran ictimaiyyətidir və ölkə daxilində anti-Azərbaycan əhval-ruhiyyəsinin formalaşdırılmasına yönəlib.

N.Təbrizli