Azərbaycanlı ekspertlər İrəvana gediblər

Azərbaycanlı ekspertlər Ermənistana səfər edərək “İrəvan Dialoqu – 2026” beynəlxalq konfransında iştirak edəcəklər.

Konfransın gündəliyinə əsasən, tədbirdə “Sülh Körpüsü” təşəbbüsünün iştirakçıları olan Azərbaycan politoloqları — Fərhad Məmmədov, Rusif Hüseynov və Zaur Şiriyev təmsil olunacaqlar.

Tədbir regional təhlükəsizlik, post-münaqişə əməkdaşlığı və Cənubi Qafqazda davamlı sülh perspektivlərinin müzakirəsinə həsr olunub.

“İrəvan Dialoqu” platforması müxtəlif ölkələrdən siyasətçiləri, ekspertləri və analitikləri bir araya gətirərək regional dialoqun genişləndirilməsini hədəfləyir.

Gülnar Nazimqızı