Azərbaycanla Özbəkistan arasında ticarətdövriyyəsi 3 dəfədən çox artıb - Prezident

Azərbaycan Prezidenti İlham Əliyev Azərbaycanla Özbəkistan arasında ticarət dövriyyəsinin 2025-ci ildə əvvəlki illə müqayisədə üç dəfədən çox artaraq 795 milyon dollara çatdığını açıqlayıb. Prezident bu barədə Özbəkistanın Milli İnformasiya Agentliyinə (UzA) müsahibəsində deyib.

O bildirib ki, 2026-cı ilin yanvar-may aylarında iki ölkə arasında ticarət dövriyyəsi illik müqayisədə 33% artaraq 144 milyon dollar təşkil edib.

İlham Əliyevin sözlərinə görə, üç il əvvəl 500 milyon dollar nizamnamə kapitalı ilə yaradılan Azərbaycan-Özbəkistan İnvestisiya Şirkəti iki ölkə arasında investisiya əməkdaşlığının inkişafında mühüm platformaya çevrilib.

Prezident qeyd edib ki, Azərbaycan və Özbəkistan arasında iqtisadi, ticarət və investisiya əlaqələrinin inkişafında Hökumətlərarası Komissiya da mühüm rol oynayır.

Onun sözlərinə görə, indiyədək komissiyanın 15 iclası keçirilib.

Gülnar Nazimqızı