Gələn il Azərbaycanda minimum əməkhaqqı, pensiya və sosial müavinətlər artırılacaq - Prezident

Prezident İlham Əliyev gələn il Azərbaycanda minimum əməkhaqqının, pensiyaların və sosial müavinətlərin artırılacağını açıqlayıb. 

Dövlət başçısı bunu Yeni Azərbaycan Partiyasının (YAP) VIII Qurultayında çıxışı zamanı deyib.

“Artıq göstəriş verildi, gələn il minimum əməkhaqqı qaldırılacaq, pensiyalar qaldırılacaq, sosial müavinətlər qaldırılacaq. Bu siyasəti biz müntəzəm aparırıq ki, Azərbaycan xalqının rifahı ildən-ilə yaxşılaşsın”, -  İlham Əliyev vurğulayıb.

Azərbaycanda sosial ödənişlərin artırılması istiqamətində son illərdə bir sıra qərarlar qəbul edilib. 2025-ci ildən minimum aylıq əməkhaqqı 400 manat, minimum əmək pensiyası isə 320 manat müəyyən edilib. 2026-cı ildə də əmək pensiyaları indeksləşdirilib.

Gülnar Nazimqızı