İlham Əliyev İraq prezidentini milli bayram münasibətilə təbrik edib

Azərbaycan Prezidenti İlham Əliyev İraq Prezidenti Nizar Amidini ölkəsinin milli bayramı münasibətilə təbrik edib.

Təbrik məktubunda İlham Əliyev Azərbaycan-İraq dövlətlərarası əlaqələrinin daha da möhkəmləndiriləcəyinə və əməkdaşlığın genişləndiriləcəyinə əminliyini ifadə edib.

Azərbaycan Prezidenti İraq dövlət başçısına möhkəm cansağlığı, xoşbəxtlik və fəaliyyətində uğurlar, İraq xalqına isə əmin-amanlıq və rifah arzulayıb.