"Azəravtoyol" ASC-dən Trend-ə verilən məlumata görə, hələik markası məlum olmayan avtonəqliyyat vasitəsi Ziya Bünyadov prospekti ilə 20 yanvar dairəsi istiqamətində hərəkətdə olarkən Atatürk prospekti ilə kəsişmədə yerləşən yol ötürücüsünün kənarına çırpılıb.

Nəticədə körpünün giriş hissəsinin bir hissəsi və üzlük daşları, mərmər lövhə, həmçinin 5 paqon-metr dəmir mühəccərləri dağılıb. Baş vermiş qəza zamanı ilkin hesablamalara görə, yol təsərrüfatına 1250 manat ziyan dəyib.

Dəymiş ziyanla bağlı fakt aktlaşdırılaraq, aidiyyatı üzrə göndərilib. Hazırda hadisəni törədən sürücünün kimliyi müəyyənləşdirilir.