Rusiya agentlərinin kimliyi məlum olub

 

Ukraynanın açıqladığı siyahıya agentlərin  telefon nömrələri, ev ünvanları, maliyyə məlumatları daxil edilib. "Moskvanı utandıracaq sızma” kimi xarakterizə edilən açıqlama Vladimir Putinin yüksək rütbəli üzvlərini ev dustaqlığına göndərdiyinə dair xəbərlərdən sonra yayılıb.

 

Ukrayna rəsmiləri siyahıda yer alan rus agentlərinin Avropa ölkələrində "cinayət işlərində əli olduğunu” iddia edib. Ukrayna səlahiyyətliləri agentlər haqqında bu məlumatın necə əldə edildiyini açıqlamayıb, Rusiya kəşfiyyat bölmələrinə köhnə sızıntılardan istifadə edildiyi təxmin edilib.

 

Putinin Ukrayna müharibəsindəki uğursuzluqlarda Rusiya kəşfiyyatını günahlandırdığı da iddia edilib. Saxlanılanlar arasında Xarici Kəşfiyyat bölməsinin rəhbəri Sergey Beseda və onun müavini Anatoli Bolyuk da var.

 

2022-ci ilin fevralın 24-də Rusiya Silahlı Qüvvələri Ukraynanın "denasifikasiya və demilitarizasiyası” (nasizm ünsürlərindən təmizlənmə və silahsızlaşdırılma), habelə Donetsk və Luqansk "respublikalarının ərazi bütövlüyünün” təmin olunması məqsədilə ölkəyə şərq, cənub (Krım) və şimal (Belarus) istiqamətlərdən hücuma başlayıb. Hücum bu günə kimi davam etməkdədir.