"Xəzər- Lənkəran"nın sabiq futbolçusu qadınları pula görə təhdid edir

"Xəzər Lənkəran"ın sabiq futbolçusu Önder Deniz Kolqu məhkəməyə verilib. Bu barədə "Cumhuriyet” qəzeti məlumat yayıb.

48 yaşlı keçmiş yarımmüdafiəçi türk qadını evlənmək sözü verərək həmin xanımdan dəfələrlə pul aldığına görə ittiham olunur.

 

6 il öncə tanış olduqlarını bildirən qadın Kolqunun onu evlənmək vədi ilə aldadaraq minlərlə lirə pulunu aldıqdan sonra ölümlə hədələdiyini söyləyib. İddiaçının vəkili araşdırma zamanı daha 4 qadının da evlənmək vədi ilə aldadıldığını və pullarının mənimsənildiyini aşkar edib. 

"Zərərçəkmiş qadınlardan birinin məhkəməsində şahid qismində müvəkkilimdə də dinlənilib. Məhkəmədə onun əleyhinə ifadə verdiyi üçün Kolqunun hədə-qorxusuna məruz qalan xanım həmin gündən sonra şübhəli şəxslər izləyib. Evlənmək vədi ilə aldadılan, maddi və mənəvi cəhətdən istismar edilən müvəkkilimin həyat və əmlak təhlükəsizliyi artıq mövcud deyil”, vəkil söyləyib.

Önder Deniz Kolqunun iştirakçı olduğu "Xəzər Lənkəran” 2004-2005 mövsümündə Azərbaycan çempionatının gümüş medalını qazanıb.

 

Məhluqə Tağıyeva