Eldəniz Əzizli ikiqat dünya çempionu olub

Azərbaycan güləşçiləri Serbiyanın paytaxtı Belqradda dünya çempionatına qatılıblar.

Sentyabrın 10-da keçirilən oyuna əvvəlcə yunan-Roma güləşi üzrə Azərbaycan millisi yarışa qoşulub.

İlk yarış günündə yunan-Roma güləşi üzrə Azərbaycan millisinin üzvləri Eldəniz Əzizli (55 kq), Ülvi Qənizadə (72 kq) və Sənan Süleymanov (77 kq) milli komanda heyətində mübarizə aparıblar. Eldəniz 1/8 finalda Covanni Freni (İtaliya) ilə,Ülvi Qənizadə İbrahim Məhəmmədov (Qazaxıstan) ilə, Sənan Süleymanov isə İdris İbayevlə (Almaniya) qarşılaşıblar.

Dünya və ikiqat Avropa çempionu Eldəniz Əzizli 1/8 finalda Covanni Frenini (İtaliya) 8:0, 1/4 finalda isə Yu Şiotanini (Yaponiya) 9:0 məğlub edərək yarımfinala vəsiqə qazanıb. 55 kq-da mübarizə aparan idmançımız yarımfinalda ABŞ təmsilçisi Maks Nouriyə 9:0 hesabı ilə qalib gələrək finala yüksəlib. 

55 kq çəki dərəcəsində yarışan azərbaycanlı idmançı rəqibi gürcüstanlı dünya çempionu Nuqzari Tsurtsumiya olub. Dünya və ikiqat Avropa çempionumuz bu görüşdə 8:0 hesablı qələbə qazanaraq qızıl medala sahib olub. Bununla da Eldəniz Əzizli karyerasında ikinci dəfə dünya çempionu tituluna sahib olub.

72 kq çəkidə yarışan Ülvi Qənizadə 1/8 finalda İbrahim Məhəmmədovu (Qazaxıstan) 4:2, 1/4 finalda Deyvid Dimitrovu (Bolqarıstan) 10:0 məğlub edib. O, yarımfinalda Səlçuk Cana(Türkiyə) 4:3 hesabı ilə qalib gələrək adını finala yazdırıb. Qızıl medal uğrunda mübarizədə o, Serbiya güləşçisi Ali Arsalanla üz-üzə gəlib. Lakin ikiqat Asiya çempionu olan İran əsilli Arsalana 3:7 hesabı ilə uduzaraq gümüş medalla kifayətlənib.

Digər yunan-Roma güləşçisi Sənan Süleymanov (77 kq) isə təsnifat mərhələsində İdris İbayevə (Almaniya) 7:8 hesabı ilə uduzaraq medalsız qalıb.

Sadiq Cavadov