Cari ilin yanvar-martında Azərbaycanda sənaye istehsalı azalıb
17.04.2023 16:54
Cari ilin yanvar-martında sənaye müəssisələrində istehsal
olunan malların və göstərilmiş xidmətlərin həcmi 3,2 faiz
azalaraq 18,6 milyard manat təşkil edib. Bu barədə Dövlət Statistika Komitəsindən məlumat verilib.
Bildirilir ki, neft-qaz sektorunda
məhsul istehsalı 4,0 faiz azalıb, qeyri neft-qaz sektorunda isə
4,7 faiz artıb.
Ümumi istehsalın 92,7 faizi sənaye məhsullarının istehsalı, 7,3
faizi isə sənaye xarakterli xidmətlərin göstərilməsi hesabına yaradılıb.
2023-cü ilin yanvar-martında istifadə də olan malların istehsalı 2022-ci ilin müvafiq dövrü ilə müqayisədə 17,2 faiz, uzunmüddətli istifadədə olan istehlak
mallarının istehsalı 0,8 faiz artıb, istehsal vasitələrinin istehsalı 7,5 faiz, aralıq istehlak
məhsullarının istehsalı isə 8,6 faiz azalıb.
2023-cü ilin aprelin 1-ə olan statistikaya görə, 990,9 milyon manatlıq hazır məhsul əldə olunub. Ehtiyatların 49,3 faizi Bakı, 13,3 faizi Sumqayıt, 4,8 faizi
Şirvan, 3,5 faizi Gəncə 0,2 faizi Naxçıvan, qalan hissəsi isə digər şəhər və rayonların
sənaye müəssisələrinin anbarlarında qalıb.
Aytac
www.anews.az
Foto 
Video 
