Rusiyanın AVRO-24-dən kənar qalması dünya futbolu üçün cəzadır - Türkiyəli futbolçu
03.07.2024 15:29
"Rubin”in tanınmış sabiq yarımmüdafiəçisi Göydeniz Karadeniz Rusiya klublarının və Rusiya millisinin beynəlxalq turnirlərdən kənarda qalmasının dünya futbolu üçün itki olduğunu bildirib. Onun sözlərini Sport24 sitat gətirir.
"Nə qədər ki, Rusiya klubları avrokuboklarda, Rusiya millisi isə Avropa və dünya çempionatlarında iştirak etmir, bu, təkcə Rusiya üçün deyil, dünya futbolu üçün də cəzadır. Fikrimcə, Rusiya futbolu həmişə dünya səhnəsində olmalıdır. Rusiya futbolu dünya futbolunu zənginləşdirir və tamamlayır”, - Türkiyə futbolçusu bildirib.
Rusiya millisi 2024-cü ilin Avropa çempionatında iştirak etmir. Buna səbəb Rusiyanın Ukraynaya hücum etməsi olub. Belə ki , Rusiya Ukraynaya hücum edəndən sonra, yəni 2022-ci ildən bu ölkənin milli komandası və Rusiya klubları Avropa Futbol Assosiasiyaları İttifaqı və Beynəlxalq Futbol Federasiyasının himayəsi altında keçirilən turnirlərdən kənarlaşdırılıb.
Avropa çempionatı Valeri Karpinin rəhbərliyi altında Rusiya komandasının qaçırdığı ikinci böyük turnir oldu. 2022-ci ildə milli komanda DÇ-2022-də oynamaq hüququ üçün pley-off matçı keçirə bilmədi və müvafiq olaraq, dünya çempionatına buraxılmadı. Rusiya yığması 2000-ci ildən sonra ilk dəfəir ki, Avropa çempionatının da qapısının arxasında qaldı.
2024-cü il Avropa çempionatı iyunun 14-dən iyulun 14-dək Almaniyada keçirilir. Hazırkı Avropa çempionu İtaliya komandasıdır.
www.anews.az
Foto 
Video 
