Tbilisi–Ankara birbaşa reysləri oktyabrda bərpa olunacaq

Gürcüstanın paytaxtı Tbilisi ilə Türkiyənin paytaxtı Ankara arasında birbaşa uçuşlar oktyabrda bərpa ediləcək, Gürcüstanın Türkiyədəki səfiri Arçil Kalandiya bazar ertəsi bildirib.

Onun sözlərinə görə, türkiyəli tərəfdaşlarla aylardır aparılan  danışıqlar prezident Mixeil Kavelashvilinin Ankaraya rəsmi səfəri zamanı yaxşı nəticələnib.

“Keçən il 1,3 milyondan çox türk qonaq Gürcüstana səfər edib. Reyslərin bərpası biznes əlaqələrini gücləndirəcək, gürcü turistlərin Ankara və ətraf bölgələrə səfərlərini asanlaşdıracaq və tibbi turizmin inkişafına töhfə verəcək,” – diplomat deyib.

Səfir əlavə edib ki, müntəzəm uçuşlar hər iki ölkənin turizm sektoruna əlavə stimul verəcək.

N.Təbrizli