Çexiyanın keçmiş baş naziri hücuma məruz qalıb

Çexiyanın keçmiş baş naziri və hazırda müxalifətdəki ANO (YES) hərəkatının lideri Andrey Babiş oktyabrın 3-4-də keçiriləcək parlament seçkiləri ərəfəsində keçirilən mitinqdə hücuma məruz qalıb.Bu barədə "ČTK" xəbər agentliyi partiyanın mətbuat katibi Martin Vodiçkaya istinadən xəbər verib.

Hadisə sentyabrın 1-də ölkənin şərqindəki Dobra şəhərində baş verib. Babişin başına metal əşya ilə vurulub, nəticədə o, yaxınlıqdakı xəstəxanaya aparılıb və tibbi müayinədən keçirilib. Xəstəxanada onun vəziyyəti ilə bağlı əlavə məlumat verilməyib.