Tramp: Putin və Zelenski hələ sülh razılaşmasına hazır deyillər

Rusiya və Ukrayna liderləri Vladimir Putin və Vladimir Zelenski hazırda sülh sazişi imzalamağa hazır olmasalar da, yaxın gələcəkdə “nə isə baş verəcək” və vəziyyət dəyişəcək. Bu barədə ABŞ prezidenti Donald Tramp CBS News telekanalına müsahibəsində deyib.

“Nəsə olacaq, lakin onlar hələ buna hazır deyillər. Amma biz bunu edəcəyik,” – Tramp qeyd edib.

Tramp, həmçinin, Rusiyanın əvvəlki ultimatumlarına əməl etmədiyi ilə bağlı ittihamları rədd edib və Rusiyadan neft alan Hindistana qarşı tətbiq edilən ikinci dərəcəli sanksiyaları xatırladıb.

Onun sözlərinə görə, bu sanksiyalar Moskvanı yüz milyardlarla dollar gəlirdən məhrum edib.

Tramp əlavə edib ki, Rusiyaya qarşı təzyiqlərin ikinci və üçüncü mərhələləri hələ tətbiq olunmayıb.

Eyni gün Rusiya prezidenti Vladimir Putin də Pekində dörd günlük səfərindən sonra keçirilən mətbuat konfransında Ukrayna prezidenti ilə görüş ehtimalını istisna etmədiyini bildirib.

O, Zelenskini “Ukrayna administrasiyasının rəhbəri” adlandıraraq, onu mümkün danışıqlar üçün Moskvaya dəvət edib.

Bundan əlavə, Ukraynanın xarici işlər nazirinin müavini Andrey Sybiha Zelenskinin Putinlə görüşmək üçün dünyanın yeddi fərqli ölkəsindəki təklifləri nəzərdən keçirdiyini və bu görüşə hazır olduğunu açıqlayıb.

Gülnar