Aİ Rusiyaya qarşı sanksiyalar üçün ABŞ-a nümayəndə heyəti göndərir

Avropa İttifaqının (Aİ) nümayəndə heyəti sanksiya siyasətində ABŞ-la koordinasiyanı gücləndirmək üçün Vaşinqtona gedəcək.Bu barədə Avropa İttifaqı Şurasının Prezidenti Antonio Koşta bugün Ujqorodda Ukrayna Prezidenti Volodimir Zelenski ilə birgə keçirdiyi mətbuat konfransında bildirib.

O qeyd edib ki, Brüsseldə Rusiyaya qarşı yeni sanksiya paketi üzərində işə başlanılıb və Aİ-nin nümayəndə heyəti bu işi ABŞ tərəfdaşları ilə əlaqələndirmək üçün Vaşinqtona gedəcək.

Koşta əlavə edib ki, məqsəd Rusiyanı müharibəni dayandırmağa məcbur etmək üçün həm birbaşa, həm də ikinci dərəcəli sanksiyalar vasitəsilə təzyiqi artırmaqdır.