Tramp və Si Cinpin Cənubi Koreyada görüşə bilər

ABŞ Prezidenti Donald Trump Cənubi Koreyada oktyabrın sonunda keçiriləcək Asiya-Sakit Okean İqtisadi Əməkdaşlıq (APEC) sammitinə qatılmağı planlaşdırır və tədbir çərçivəsində Çin Prezidenti Si Cinpin ilə görüşün mümkün olduğu bildirilir.Bu barədə  CNN məlumat yayıb.

Sammit Cənubi Koreyanın sədrliyi şəraitində oktyabrın 31-dən noyabrın 1-dək Kyonju şəhərində keçiriləcək.

Ağ Ev CNN-ə bildirib ki, ABŞ Prezidentinin Cənubi Koreyaya səfəri nəzərdə tutulur. Səfərin əsas məqsədi iqtisadi, ticarət, müdafiə və mülki enerji sahəsində əməkdaşlığı müzakirə etməkdir.

CNN vurğulayıb ki, Trump-ın səfəri həmçinin ona Şimali Koreya lideri Kim Çen In ilə görüş imkanı da yarada bilər. Cənubi Koreya Prezidenti Li Çje-Myon amerikalı həmkarını sammitə dəvət etmiş və bu platformanın Kim ilə dialoq üçün imkan yarada biləcəyini qeyd etmişdir.