İsrail Qətərlə bağlı addımlarında çox ehtiyatlı olmalıdır -Tramp

ABŞ prezidenti Donald Tramp bəyan edib ki, İsrail Qətərlə bağlı addımlarında “çox-çox ehtiyatlı” davranmalıdır, çünki bu ölkə Vaşinqtonun sadiq müttəfiqidir. Bu barədə  “Detali” xəbər verib.

Tramp jurnalistlərə açıqlamasında baş nazir Benyamin Netanyahyuya müraciət etdiyini, Təl-Əvivin ehtiyatlı hərəkət etməsini istədiyini bildirib, eyni zamanda İsrailin HƏMAS-la mübarizə aparmalı olduğunu vurğulayıb.

“Onlar HƏMAS-la bağlı nəsə etməlidirlər, amma Qətər həmişə ABŞ-ın sadiq müttəfiqi olub,” — Tramp deyib.

Sentyabrın 9-da İsrail ordusu “Alovlu Zirvə” əməliyyatı çərçivəsində Dohaya zərbələr endirib. Məqsəd atəşkəs danışıqları üçün Qətərə gəlmiş HƏMAS rəsmilərini hədəfə almaq olub. Təl-Əviv bildirib ki, həm Vaşinqton, həm də Doha əvvəlcədən məlumatlandırılıb.

N.Təbrizli