NASA maliyyə çatışmazlığı səbəbilə bağlanma riski ilə üzləşə bilər

ABŞ Konqresi yeni maliyyə qanun layihəsini qəbul etməsə, NASA fəaliyyətlərinin böyük hissəsini dayandırmalı ola bilər. Bu halda minlərlə işçinin müvəqqəti olaraq işdən çıxarılması və maaş almadan evə göndərilməsi gözlənilir. 

Agentliyin açıqlamasına görə, yalnız can və mal təhlükəsizliyi ilə birbaşa əlaqəli fəaliyyətlər davam etdiriləcək. Bu siyasət NASA-nın növbəti əsas təşəbbüsü olan və 2025-ci ildə Aya dörd astronavt göndərməyi planlaşdıran Artemis 2 missiyasına da təsir göstərə bilər. Agentlik, layihə üzərində işlərin davam etdirilməsi üçün xüsusi icazə almağa çalışır.

Sonuncu dəfə 2018-ci ildə baş verən hökumət bağlanmasında, NASA işçilərinin təxminən 95%-i müvəqqəti olaraq işdən azad edilmiş, yalnız mühüm sistemlərin işləməsini təmin edən əsas heyət iş başında saxlanılmışdı. Hazırda da agentlik oxşar ssenariyə hazırlaşır və mümkün struktur ixtisarları nəzərdən keçirir.

Aytac