Tramp Vaşinqtonda Kanada Baş naziri ilə görüşəcək

ABŞ Prezidenti Donald Tramp çərşənbə axşamı Vaşinqtonda Kanadanın Baş naziri Mark Karni ilə görüş keçirəcək.Bu barədə Kanada Baş nazirinin ofisi məlumat yayıb.

Görüşdə əsas müzakirə mövzularının iqtisadi və təhlükəsizlik məsələləri olacağı bildirilib.

Rəsmi Ottava bir neçə aydır ABŞ-la Kanada mallarına tətbiq edilən bütün rüsumların ləğvini nəzərdə tutan yeni iqtisadi və müdafiə sazişləri üzrə danışıqlar aparır. Lakin bu danışıqlar hələlik nəticəsiz qalıb.